Azərbaycan Respublikasının Mərkəzi Bankının Naxçıvan Muxtar Respublikası İdarəsi, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və Azərbaycan Banklar Assosiasiyası arasında həssas əhali qruplarının özünüməşğulluğunun təşkilinə köməklik göstərilməsi sahəsində əməkdaşlığa dair imzalanan memoranduma əsasən 2023-cü ildə 50 ailəyə özünüməşğulluq proqramı çərçivəsində aktivlərin verilməsi nəzrdə tutulub.
8 noyabr 2023-cü il də "Bank Respublika" tərəfindən Naxçıvan şəhər sakini Rəsulova Həkimə Heydərqulu qızına, Şərur rayonu Zeyvə kənd sakini Əsgərov Müqabil Vasif oğluna, Culfa rayonu Yaycı kənd sakini İsmayılsoy Ayaz Məmməd oğluna və Bənəniyar kənd sakini Quliyev Ağakişi Əbülfəz oğluna müxtəlif zərflər üzrə kiçik bizneslərini qurmaq üçün aktivlər təqdim olunub.
Sosial şəbəkələrdə də bizi izləyin:
