Naxçıvan Muxtar Respublikasının İnsan Hüquqları üzrə Müvəkkilin (Ombudsman) elan etdiyi “Uşaq hüquqları aylığı” çərçivəsində (2023-ci il 20 oktyabr-20 noyabr) Naxçıvan Muxtar Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən muxtar respublikanın şəhər və rayonlarındakı ümumi təhsil müəssisələrində “Əmək qanunvericiliyində uşaq hüquqları” mövzusunda 234 nəfər şagirdə maarifləndirici seminar keçirilib.
Seminarda şagirdlərə əmək qanunvericiliyinin tələbləri, 15-18 yaş arası şəxslər üçün əmək müqaviləsinin bağlanılması qaydaları, iş şəraitinin şərtləri, onlar üçün nəzərdə tutulan təminat və güzəştlər barədə məlumatlar diqqətə çatdırılıb.
Şagirdlər təlim zamanı öyrəndikləri məlumatlar əsasında inşa yazıblar.
Sonda onları maraqlandıran suallar cavablandırılıb, mövzu barədə müzakirələr aparılıb, slayd və video çarx nümayiş etdirilib.
Sosial şəbəkələrdə də bizi izləyin:
