Əlilliyi olan şəxslərə səyyar sosial reabilitasiya xidmətinin göstərilməsi Sosial Xidmət Haqqında Azərbaycan Respublikasının Qanunun 19.2.6-cı maddəsi (əlilliyi olan şəxslərə, o cümlədən əlilliyi olan 18 yaşınadək uşaqlara reabilitasiya xidmətinin göstərilməsi) ilə tənzimlənir.
Səyyar sosial reabilitasiya xidməti hazırda Bakı şəhəri (12 rayon) üzrə 0-6 yaş arası əlilliyi olan uşaqlara göstərilir. Səyyar sosial reabilitasiya xidməti mütəxəssislərdən ibarət komanda tərəfindən göstərilir. Həmin mütəxəssislər sosial işçi, psixoloq, pedaqoq, loqopedlərdir. Hər bir mütəxəssis ilkin qiymətləndirmə zamanı əlilliyi olan şəxslərin qiymətləndirilməsində iştirak edir. Əlilliyi olan şəxslərin diaqnozu, yaş xüsusiyyətləri, davranışlarından asılı olaraq uşağın reabilitasiyası üçün müvafiq mütəxəssislər əlilliyi olan şəxslər üçün fərdi reabilitasiya proqramı hazırlayırlar. Proqrama uyğun olaraq əlilliyi olan şəxslərə səyyar sosial reabilitasiya xidməti həftədə 2 dəfə, yarım saatdan az olmamaqla göstərilir.
Səyyar sosial reabilitasiya xidməti 0-6 yaş arası sağlamlıq imkanları məhdud uşaqlara göstərilir. Yaşayış ünvanı Bakı şəhəri olan SİM uşaqların valideynləri, qohumları, digər qanuni nümayəndələri (qəyyum, himayəçi), bələdiyyələr, qeyri-hökumət təşkilatları, habelə onların razılığı ilə digər şəxslər SİM uşaqlara səyyar sosial reabilitasiya xidməti üçün Sosial Xidmətlər Agentliyinə və ya Agentliyin yerli qurumlarına, 116 123 Qayğı Çağrı Mərkəzinə, Nazirliyin 142 Çağrı Mərkəzinə müraciət edə bilərlər. SİM uşağa səyyar sosial reabilitasiya xidmətinin göstərilməsi üçün lazımi sənədlər aşağıdakılardır:
