Naxçıvan Muxtar Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlər üçün Naxçıvanda "İş yerlərinin attestasiyasının keçirilməsi qaydaları" və "Qeyri-formal məşğulluğun qarşısının alınması" mövzularında maarifləndirmə tədbiri keçirib.
Görüşdə 22 dövlət və qeyri-dövlət müəssisəsindən 32 nümayəndə iştirak etmişdir.
Tədbirdə Dövlət Əmək Müfəttişliyi Xidmətinin sektor müdiri Nəsimi Yusifov tərəfindən iştirakçılara işçilərin əməyinin mühafizəsi, onlar üçün sağlam və təhlükəsiz əmək şəraitinin yaradılması və iş yerlərində attestasiyanın keçirilməsi ilə bağlı ətraflı məlumat verilib.
Daha sonra Əməyin Muhafizəsi Mərkəzinin Naxçıvan filialının müdiri Ruslan Ələkbərov “İş yerlərinin attestasiyasının keçirilməsi qaydaları” mövzusunda təqdimatla çıxış edərək tədbir iştirakçılarını iş yerlərinin attestasiyası, onun məqsədi və keçirilməsi qaydaları ilə iştirakçıları məlumatlandırıb.
Tədbirdə “Qeyri-formal məşğulluğun qarşısının alınması” mövzusunda iştirakçılar Nazirliyin tabeliyində Dövlət Məşğulluq Agentliyinin nümayəndəsi Aqşin Kamilli tərəfindənməlumatlandırılıb. Həmçinin qeyri-formal məşğulluqla bağlı əmək qanunvericiliyinin tələbləri iştirakçıların diqqətinə çatdırılıb.
Sonda müzakirə olunan mövzularla bağlı iştirakçıları maraqlandıran suallar cavablandırılıb.
Sosial şəbəkələrdə də bizi izləyin:
