Əməyin Mühafizəsi Mərkəzinin Naxçıvan filialı tərəfindən maarifləndirmə tədbirlərinə start verilib.
Təlimlərdə işəgötürənlər tərəfindən işçilər üçün iş yerlərində sağlam və təhlükəsiz əmək şəraitinin yaradılması, əməyin mühafizəsinə dair qanunvericiliyin tələbləri izah olunub. Yanğın, elektrik təhlükəsizliyi və iş yerində mövcud ola biləcək digər təhlükə potensilları barədə, habelə istehsalatda baş vermiş bədbəxt hadisələr zamanı zərərçəkənə ilkin yardımın göstərilməsi üzrə təlimatlar izah edilib.
Həmçinin iş yerlərinin attestasiyasının keçirilməsi qaydaları ilə bağlı ətraflı məlumatlar verilib.
Sonda iştirakçıları maraqlandıran suallara aydınlıq gətirilib, mövzular ətrafında müzakirələr aparılıb. Qeyd edək ki, Əməyin Mühafizəsi Mərkəzinin Naxçıvan filialı tərəfindən təşkil olunan ilk təlimlər 52 müəssisənin 97 işçisini əhatə edib.
Sosial şəbəkələrdə də bizi izləyin:
