Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin “Özünüməşğulluğun təşkili və peşə hazırlığı şöbəsi” tərəfindən peşəyönümü məsləhət xidməti fəaliyyətini davam etdirir. Bu çərçivədə Sədərək rayon 1 nömrəli və Dəmirçi kənd tam orta məktəblərdə təhsil alan şagirdlərin ixtisas seçimi və karyera planlaması mövzularında tədbir keçirilib.
Maarifləndirmə sessiyalarında şagirdlərə gələcək peşə və ixtisas seçiminin əsas meyarları, əmək bazarının tələbləri, karyera hədəflərinin müəyyənləşdirilməsi və planlaşdırılması barədə məlumat verilib.
Ümumilikdə 354 şagird - o cümlədən 178 nəfər 5-7-ci sinif, 176 nəfər isə 8-11-ci sinif şagirdləri-peşəyönümü mövzusunda məlumatlandırılıb, onların ixtisas seçimi ilə bağlı sualları cavablandırılıb.
Peşəyönümü məsləhət xidmətləri digər ümumtəhsil müəssisələrində də davam etdiriləcək.
Sosial şəbəkələrdə də bizi izləyin:
