Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində Dövlət Tibbi-Sosial Ekspertiza və Reabilitasiya Agentliyi tərəfindən Şahbuz rayonunda yaşayan əlilliyi olan bir sıra şəxsə səyyar reabilitasiya xidməti göstərilib.
Onlara dirsəkaltı və qoltuqaltı ağac, protez üçün corab və s.olmaqla ümumilikdə 10 şəxsə 21 ədəd reabilitasiya vasitəsi verilib.
Səyyar reabilitasiya xidmətinin əsas məqsədi müvafiq kateqoriyadan olan şəxslərin gündəlik həyat şəraitinin yaxşılaşdırılması, onların sosial reabilitasiyasının təmin edilməsi və cəmiyyətə fəal inteqrasiyasına dəstək göstərilməsidir.
Bu istiqamətdə həyata keçirilən tədbirlər sosial həssas əhali qruplarının rifahının yüksəldilməsinə, dövlətin sosial siyasətinin icrasında inklüzivliyin gücləndirilməsinə xidmət edir.
Sosial şəbəkələrdə də bizi izləyin:
